Golf Tango Foxtrot

Here ah sit, masell alane, washed up an failin wi fadit memories ae a life thit his bin full ae hope. "If we dinna live in hope wull dee in despair". Its warm oot though.  The air is fullae blossom and scents ae thi flooers i the gairdens.  Thi first time ah passed by this foontain years ago ah met a refugee fella wha wis livin rough here in the Larribal Gairdins.   He was haein a morning wash. Wi passed the time ae day in a sortae English, sortae French sortae Catalan wye is thi nearest spik wi hid thi githir.  Ah gied im a couplae Euros.  He looked like he cid yais thim. Back up thi hull ahint is is the Miro Foundation.  It still his Alexander Calder's Mercury Fountain.  A wee bit ae Scottish art in this finest ae cities. Ah widna tak a wash in it though.. The toon itsell lies alow mi. Ahm nae quite king ae aw I survey.  Truly ah dinna own a handful ae this hale earth. Its stull thi foreneen. Ah cin see Tibidabo awa ower on thi ...